“Paisa Ghoom Raha Hai, Par Tumhare Paas Nahi Aata – Samjho System Ka Sach”

on
Inflation, Scam Aur Election: Ek Hi Paisa Teen Roop

Inflation, Scam Aur Election: Ek Hi Paisa Teen Roop

Author: Sacha Safar by - Prashant Singla

1. Shuruaat – Ek Sawaal

Tum market jaate ho, 100 rupey ki cheez 106 ki ho gayi. TV wale bolte hain — “Growth ho rahi hai, GDP badh rahi hai.” Tumhare jeb me paisa kam, sarkar ke reports me paisa zyada. Yeh kaise possible hai?

Jab system me paisa ghoomta hai, to uska asli malik wahi hota hai jiske paas control hai.

2. Step 1: Inflation – Jab Tumhara Paisa Tumse Chhupa Liya Jaata Hai

Inflation ka matlab hai — system me extra paisa pump karna. Tum sochte ho market me paisa aaya, economy grow ho rahi hai. Asal me kya ho raha hai?

  • Tumhare 100 rupey ki value ghat rahi hai
  • Tum wahi cheez mehengi kharid rahe ho
  • Sarkar tax ke bina bhi tumse paisa nikaal rahi hai

3. Step 2: Scam – Paisa Ghumaane Wala Tool

Scams ke zariye paisa ghoomta hai — real estate fraud, crypto bubble, stock market manipulation, fake tenders, aur public project overpricing.

Yeh sab ka maksad ek hi hai: paisa ghoomao, apne paas rakho, aur legal jaisa dikhado.

4. Step 3: Election – Bubble Se Nikla Paisa Wapas System Mein

Jo paisa scam se nikla, ab woh kaam aata hai elections mein — funding, media buyout, vote buying, image build karna. Same paisa wapas ghoomta hai public ke saamne ek naye chehre ke saath.

5. GDP Ka Jhoot – Aankhon Ka Dhoka

Sarkar kehti hai: "Hum 5 trillion economy ban gaye!" Par 2000 mein zameen 1 crore ki thi, aaj 100 crore ki ho gayi. Kya tumhari salary bhi 100 guna badi? Nahi. To phir grow kya hua?

Sirf numbers. Real value zero.

6. Tum Sochte Ho Tum Jeet Rahe Ho, Par Haar Tumhari Hai

Sach yeh hai ki system sirf illusion de raha hai. Tum TV dekh ke khush ho, par tumhara paisa har din kamzor ho raha hai. Paisa ghoom raha hai, par tumhare pass wapas nahi aa raha.

7. Antim Baat – Samjho, Sambhlo, Sawal Karo

Jo paisa scam me ghoom raha hai, woh koi aur nahi, tumhara paisa hai. Agar samjhe to sudhar hoga, nahi to chakkar chalega. Paisa wahi, roop teen.

Ek Nivedan: Agar yeh blog accha lage to share zarur karna. Agar mann na kare, aur tumhe lagta hai ki aisi hi apni zindagi aur apne bachchon ki zindagi dusron ke khele hue system ke liye chhod deni chahiye, to mat karo. Yeh likhne ka maksad paisa kamaana ya likes lena nahi hai. Yeh soch badalne ki ladai hai.
Disclaimer: Yeh blog kisi bhi political party, vyakti, ya specific jagah ke khilaf nahi hai. Yeh ek samanya soch hai jo system ke andar ke pattern ko samjhata hai. Kripya ise kisi personal ya political angle se na dekhein.
© 2025 – Sacha Safar by Prashant Singla
Is blog ka saara content protected hai. Agar koi vyakti is blog ke kisi hissa ko bina likhit anumati ke copy, repost ya commercial use karta hai, to uske khilaf kanuni karwai ki jaayegi. Yeh ek soch hai, ise churaane ka matlab hai satya ke viruddh jaana. Samjhe?

Comments

Post a Comment