Loan, Dikhawa Aur Financial Azaadi
Har taraf offers hain — "No Cost EMI", "Buy Now Pay Later", "Instant Loan Approval". Lekin in sab ke beech hum ek invisible trap me ja rahe hain, jiska naam hai **Debt Trap**.
Loan - Suvidha ya Soch Ki Galti?
Jab zarurat ho, jaise ki medical emergency, education, ya business ke liye — loan ek suvidha hai. Lekin jab loan lifestyle ke liye liya jaye — naye phone, car, ya sirf dikhawa ke liye — toh yeh aapke sapnon ka biggest burden ban jata hai.
EMI ek invisible chain hai — aap kaam karte ho paisa kamane ke liye, aur paisa nikal jata hai sirf repayment me.
Ek Soch Badalne Wala Example
Sochiye, aapne ek iPhone ₹1,00,000 ka credit card ya EMI pe le liya — 3 saal ke liye. Kyunki lagta hai ki 3 saal baad to waise bhi naya model aa jayega.
Yeh phone asli zarurat se zyada ek "status symbol" ban gaya hai. Sirf dikhawa ke liye ₹1 lakh uda diye.
Ab yahi ₹1 lakh agar aap ₹20,000 ka phone aur ₹80,000 ka gold me invest karte, toh 3 saal baad gold hota approx ₹1.4 lakh ke barabar.
Matlab phone **free** aur ₹40,000 ka profit bhi. Yeh hoti hai financial soch.
Jab tak kisi cheez ki asli zarurat na ho, sirf ameer dikhne ke liye paisa kharch karna — gareebi ki taraf ek kadam hai.
Yeh phone asli zarurat se zyada ek "status symbol" ban gaya hai. Sirf dikhawa ke liye ₹1 lakh uda diye.
Ab yahi ₹1 lakh agar aap ₹20,000 ka phone aur ₹80,000 ka gold me invest karte, toh 3 saal baad gold hota approx ₹1.4 lakh ke barabar.
Matlab phone **free** aur ₹40,000 ka profit bhi. Yeh hoti hai financial soch.
Jab tak kisi cheez ki asli zarurat na ho, sirf ameer dikhne ke liye paisa kharch karna — gareebi ki taraf ek kadam hai.
Kaise Faste Hain Log Loan ke Jaale Mein?
- 0% EMI ke naam par hidden charges aur interest
- Fake personal loan apps jo data le ke dhamki dete hain
- Credit card limit ka misuse
- Dikhawa aur peer pressure
Loan Kab Lena Chahiye?
Loan tabhi lena chahiye jab:
- Aapka income stable ho
- Repayment ka clear plan ho
- Loan future growth ya real need ke liye ho
Asli financial freedom tab hoti hai jab aap cheezein kharidte ho apne bank balance se, na ki kisi dusre ke paison se.
Financial Freedom Ke Top 10 Principles
- Har mahine ke kharche likho aur track karo
- Saving ko pehle nikaalo (Income - Savings = Expenses)
- Emergency fund banao (3–6 mahine ka)
- High-interest debt se bacho
- Impulse kharche se pehle 24 hours wait karo
- Multiple income sources create karo
- Invest karo wisely – Mutual Funds, Gold, Stocks
- Credit card ka limited use karo aur time se bharpayee karo
- Financial education lo – books, blogs, videos
- Minimalism apnao – zarurat bhar kharch karo
Soch Badlo, Zindagi Badlegi
Jab tak hum EMI ke chakravyuh se bahar nahi nikalte, hum aazad nahi ho sakte. Apni soch ko badalna sabse bada investment hai.
Aaj se decide karo – loan trap nahi, freedom chahiye!
Comments
Post a Comment